LA UNION – Imbilin ti Department of Public Works and Highways (DPWH) Region 1 iti pannaka-activate dagiti motorists assistance team, a mangbayabay kadagiti biyahero ita a semana santa.
Kinuna iti Bombo Radyo La Union ni DPWH Regional Information Officer Ezperenza Tinaza, mangrugi a mai-deploy dagiti motorists assistance team inton Miyerkoles santo, Marso 28, 2018.
Paset metten daytoy iti Lakbay Alalay nga ar-aramiden iti naduma-duma nga ahensiya ti gobyerno, iti panangidaulo ti DPWH, tapno igiya dagiti motorista nga agturong iti bukod dagitoy a destinasyon iti Ilocos Region.
Nabilin pay dagiti dadaulo iti 10 a district eng’g. offices ti DPWH a maki-koordinar iti LTO, PNP, ken LGU para iti panangimuntar dagiti visible signages, partikular kadagiti matar-tarimaan a kalsada, tapno maliklikan ti pannaka-disgrasya dagiti agdalyasat a motorista.
Iti Lakbay Alalay ket agpatingga inton Abril 2 ti agdama a tawen.
