Inikkan ti Malacanang ti makabulan ti Department of Public Works and Highways (DPWH) tapno makumpleto ti imbestigasyon iti narsuod a rangtay a Cabagan-Santa Maria sadiay probinsya ti Isabela.
Kinuna ni Palace press officer Claire Castro a maibilang paylaeng a premature ti panawagan a mapaulogan ti suspensyon dagiti DPWH officials gapo iti panagtultuloy ti imbestigasyon.
Innayon na pay a nagsapata ni DPWH Secretary Manuel Bonoan kenkuada a malpas ti imbestigasyon agingga
Abril 25.
Immunan a nangisayangakat ti imbestigasyon ti Senate blue ribbon committee mainaig ti nasao a saritaan.
Inrekomendar ti nasao a panagdengngeg ni Senator Alan Peter Cayetano a masuspinde ni Bonoan gapo iti napasamak.
Maipalagip a narsuod ti nasao a rangtay idi Pebrero 27 kalpasan a dimmalyasat ti truck a nagkarga ti bato nga agsobsobra ti dagsen na ngem ti kabaelan ti istruktura.
Daitoy nga Enero laeng idi pormal a nalukatan ti rangtay iti publiko nga aggatad ti nasurok P1.2-B.
