LA UNION – Napadayawan ti Department of Public Works and Highways (DPWH)-Regional Office 1 kas Most
Outstanding Regional Office ti DPWH iti intero a Pilipinas.
Naited ti pammadayaw kagiddan ti selebrasyon ti 126th Founding Anniversary ti DPWH idi Hunyo 21, 2024 nga adaan ti tema a “Serbisyong May Bilis: Building Better More for a New Philippines.”
Innpaay ni DPWH Secretary Manuel M. Bonoan ti plaque of recognition kenni DPWH Region 1 Regional Director Ronnel M. Tan kagiddan ti pannakabigbig ti Region 1 kas Most Outstanding DPWH Regional Office manipud iti 16 rehion iti intero a Pilipinas.
Napadayawan pay dagiti District Engineering Offices (DEOs) iti Region 1 manipud iti 195 a District Engineering Office iti pagilian.
Nabigbig met a kas Top District Engineering Office iti intero a pagilian ti Pangasinan 1st DEO nga imatmatunan ni District Engineer Marieta B. Mendoza; 2nd Placer ti Pangasinan 4th DEO nga idadauluan ni District Engineer Mel Harvey A. Gonzales bayat a 3rd Place ti La Union 2nd DEO ti panangidaulo ni District Engineer Gil B. Lorenzo.
Naipamalas dagiti awardees iti napintas a performance iti implementasyon dagiti proyekto para iti pagsayaatan dagiti umili ken ti intero a sektor ti imprastraktura.
