BR LA UNION – Pinaneknekan manen ti Bombo Radyo Philippines ti laing na iti tay-ak ti broadcasting kalpasan a nagun-od ti tallo (3) a kangrunaan a pammadayaw ken dua (2) nga special citations iti naisayangkat a 47th Catholic Mass Media Awards (CMMA), pammaneknek a napudno ti tarigagay, responsable, umno ken umiso a panagiwaragawag ken panagipadamag iti komunidad.
Dagiti kangrunaan a napadayawan ket iti Bombo Network News a naitandudo kas Best News Program, para iti maikadwa itan a nagsaruno a tawen ken back-to-back recognition para iti flagship newscast ti network.
Dadduma pay a major winners a nagun-od ti network ket iti Bombo Special Report kas Best Business News or Feature, ken Pinoy Memories ti Star FM Iloilo, a nangiyawid iti Best Entertainment Program award.
Immawat pay ti Bombo Radyo Philippines ti special citations para iti Bombo Lifestyle iti kategorya a Best Public Service Program ken Istoryang Pasada: Takbo ti Star FM Manila iti Best Counseling Program.
Iti maika-47 a Catholic Mass Media Awards ita a tawen ket nagbalin a napnuan kaipapanan para iti Bombo Radyo Philippines kalpasan a simrek iti amin a siyam (9) a kategorya iti radyo, pammaneknek a napigsa ti presensiya ti Bombo Radyo nu maipapan ti damag, public affairs, ken entertainment program.
Dadduma pay a kategorya a finalists ti Bombo Radyo ket iti:
- Bombo News and Views Morning Edition (Bombo Radyo Cebu) – Best News Program
- Bombohanay sa Udto (Bombo Radyo Cebu) – Best News Commentary Program
- Bombo Special Report (Bombo Radyo Philippines) and The Seven Last Words (Bombo Radyo Cauayan) – Best Educational Program
- It’s All for You in the Morning (Star FM Bacolod) – Best Entertainment Program
- Good Morning Philippines (Bombo Radyo Iloilo), Bombohanay Ed Ugto (Bombo Radyo Dagupan), and It’s All for You in the Morning (Star FM Dagupan) – Best News Feature
- Sarming Ti Biag (Bombo Radyo Cauayan) – Best Drama Program
Nabuangay idi 1978 babaen ken daydi Archbishop Jaime Cardinal Sin, iti Catholic Mass Media Awards ket panangbigbig ken panang-padayaw kadagiti indibiduwal ken institusyon a mangus-usar iti media a mangitandudo ti KINAPUDNO, DIGNIDAD, ken pamarisan ti SOCIAL RESPONSIBILITY a maiyannurot iti sursuro ti simbaan.
Isagut ti Bombo Radyo Philippines dagiti inawat na a pammadayaw kadagiti loyal listeners and viewers ditoy Pilipinas agingga iti ballasiw taaw, nga agtultuloy ti panagtalek ken panangsuporta iti 32 fully digitalized stations iti panangidanon ti umiso a damag, public service, ken programa para iti kommunidad.
Ti panagtalek iti Bombo Radyo Philippines ket agserbi nga inspirasyon para iti panangidanon ti kasayaatan a programa ken serbisyo publiko.
Basta Radyo, BOMBO! Star FM — It’s All for You!
