Impasigurado ti Department of Public Works and Highways (DPWH) a dagiti baro a flood control projects a maipatungpal iti sidong ti departamento ket maipasidong ti close monitoring, simmurot iti umno a proseso ken plano.
Segun kenni DPWH Secretary Vince Dizon, no mangpartuat ti kabaruan a plano para kadagiti flood control projects ket impasigurado na a mabantayan ken maaramid a nasayaat.
Impaganetget ni Dizon a karaman iti Iligan kadagiti maiyaramidan ti proyekto.
Nakapadas ti nakaro a layus iti nasao a probinsia gapu ti Bagyong Basyang.
Inkari pay ti sekretario a gundawayanna daytoy a kanito para iti umno a panagplano tapno mairugin inton 2027 iti panangbukel dagiti proyekto ken istraktura a kasapulan dagiti umili kangrunaan kadagiti flood prone areas.
Kabayatanna, maibasar iti monitoring ti opisinana, malaksid ti Iligan ket agkasapulan met ti flood control projects dagiti probinsia ti Cagayan de Oro, Cotabato ken Maguindanao, nga agpapada nga addaan ti beripikado a flood prone areas.
Maipalagip nga iti napermaan a proposed 2026 budget ket adda ti naitukon a ₱2.49 billion para iti maintenance ken operating expenses kadagiti agdama a flood control ken drainage systems.###
