BR LA UNION – Arestado iti Top 5 Regional Most Wanted Person idiay Brgy. Taberna, Bauang, La Union, babaen iti insayangkat nga operasyon nga indaulwan ti Bauang Municipal Police Station (MPS), kabinnulig ti Provincial Investigation and Detective Management Unit (PIDMU).
Iti suspek ket maysa a 45-anyos a driver ken residente ti nasao a lugar.
Nakemmeg daytoy babaen ti bileg ti warrant of arrest nga impaulog ni Hon. Criselda Manaat Lamong-Bumacod, Presiding Judge ti Family Court, Branch 11, idiay Bauang, a napetsaan ti Hulyo 23, 2026, gapu iti kaso a Qualified Rape, nga awanan ti nairekomenda a piyansa.
Nairekord iti operasyon babaen ti Body-Worn Camera (BWC).
Kalpasan ti pannakatiliw ti suspek, naiturong idiay Caba District Hospital idiay Caba, La Union para iti medical examination, ken kalpasanna, naiturong iti Bauang MPS para iti umno a dokumentasyon ken disposisyon.
