LA UNION – Simmuko iti Land Transportation Office (LTO) iti driver ti luxury sports utility vehicle (SUV) nga addaan ti protocol plate para iti senator a nag-viral gaputi panagdalyasat na iti EDSA busway idi Domingo.
Kimmiddaw metten ti dispensar ken pammakawan iti publiko iti driver a nabigbig a ni Angelito Edpan gapu iti inaramid na.
Inlawlawag na nga awan ti plano na a dangran ti enforcer a nangpara kenkuana.
Inaklon na a ti nasao a plaka ket peke ken kukua daytoy ti Orient Pacific Corporation.
Kimiddaw metten ti dispensar iti kumpanya ken mangisauangkat dagitoy ti imbestigasyon nu kasatnu a naikkan ti protocol plate iti maysa a lugan dagitoy.
Nakatuding a mamulta ti P5,000 gaputi panagusar ti protocol plate, P2,000 para iti reckless driving ken P1,000 gapu iti pannakapaay nga ikabil ti plaka ken saan a panagtulnog iti linteg trapiko.
