LA UNION – Naiyunay-unay kadagiti agtartarigagay nga agbalin a driver idiay Bacnotan, La Union ti importansya ken kinatalged ti kalsada ken ti panagbalin a responsable a driver.
Daytoy ket kabayatan ti dua nga aldaw a libre a Theoretical Driving Course a naangay idiay Narra, Bacnotan babaen iti Land Transportation Office (LTO)-Region 1 nga idauluan ni Regional Director Glorioso Daniel Martinez ken Assistant Regional Director Engr. Eric Suriben.
Naisuro kadakuada kabayatan ti programa dagiti regulasyon iti umiso a panagmaneho,techniques ti defensive driving ken dagiti kasapulan a liklikan kabayatan ti panagdaliasat iti kalsada.
