Inlawlawag ti Department of Social Welfare and Development (DSWD) a saan a kasapulan ti aniaman a sertipikasion manipud iti Commission on Elections (COMELEC) para kadagiti qualified public utility vehicles (PUVs) iti panangala iti cash relief assistance-da.
Kasaruno daytoy iti report manipud idiay Cebu City a nakiddaw ti certificate manipud iti COMELEC ti maysa nga ‘habal-habal’ driver tapno makaala iti sabali a klase ti tulong.
Segun kenni DSWD spokesperson ken assistant secretary Irene Dumlao, kayatda a mapadaras iti pannakaiwaras ti cash assistance isu a saanen a kasapulan ti certificate manipud iti COMELEC.
Inlawlawagna pay a ti ₱5,000 cash assistance ket adda iti sidong ti Assistance to Individuals in Crisis Situations a maited kadagiti qualified PUV drivers gapu iti panagngato ti presio ti langis.###
