Balligi a naipatulod ti Department of Social Welfare and Development ti nasurok 65K a kahon ti Family Food Packs kadagiti apektado ti kallabes a Bagyong Crising ken agraraira nga Habagat.
Maibasar ti datos ti ahensya, dumanon ti pakabuklan a 65,052 food packs ti naipatulod idiay Ilocos, Cagayan Valley, Central Luzon, CALABARZON, MIMAROPA, Bicol, Western ken Eastern Visayas, Zamboanga Peninsula, SOCCSKSARGEN, kasta met idiay Cordillera Administrative Region.
Dakkel a bilang ti FFPs ti naiturong idiay Central Luzon ken Western Visayas a nakaro nga naapektaran ti dakes a paniempo a nangigubuay ti nalawa a panaglayos ken nakailista pay kadagiti insidente ti panagreggaay ti daga.
Maipalagip a dimmanon ti aganay ₱45M a gatad ti relief resources ti naipatulod ti ahensya kadagiti apektado a lugar. Dumanon ti 220K a pamilya ti apektado ti panagtudo ken 7,500 a pamilya ti temporario nga agnanaed kadagiti naituding nga evacuation centers.
Iti agdama ket agtultuloy iti koordinasyon ti ahensya kadagiti lokal a gobierno para iti naparpartak a pannakaipatulod ti tulong kadagiti apektado a residente.
