BR LA UNION – Nadundunor iti dua a motorcycle rider kalpasan ti panagdinnungpar dagitoy idiay Naguilian, La Union, agarop alas 7:50 ti bigat idi Oktubre 4, 2026.
Maibasar iti report, agdaldalyasat ti Yamaha Mio iti northbound lane idinto nga agpa-abagatan a direksyon ti Honda Click.
Apaman a nakadanon dagiti dua iti nakapasamakan ti insidente, mapapati a nadungpar ti Honda Click ti Yamaha Mio.
Agpada a nadundunor dagiti driver ken dagus a naiturong idiay Ilocos Training and Regional Medical Center (ITRMC) ditoy syudad ti San Fernando City para iti pannakaagasda.
Agpada a nadadael dagiti motorsiklo, ken saan pay nga ammo ti pakabuklan a gastos iti pannakatarimaan wenno pannakasukat dagiti nadadael a paset.
Maibasar iti police report, 18-anyos laeng ti driver iti Honda Click ken awan ti naiprisinta na a driver’s license.
