BR LA UNION – Inakusaran manen ni sigud a President Rodrigo Duterte ni Presidente Ferdinand Marcos Jr nga agus-usar ti droga.
Inaramid na ti akusasyon iti panagbetla ti sigud a presidente iti panagu-ummong ti Partido ng Demokratiko Pilipino (PDP).
Kinuna ni Duterte a gapu iti maipagarop nga awan sardeng a panagusar ni Presidente Marcos ti heroine ket mabalin nga umabot dayoy iti edad nga 80 ngem saanen a makagaraw wenno agtalinaed laengen a naka-idda.
Maipalagip a saan a daytoy ti umuna a gundaway nga inakusaran ni Duterte ni Marcos nga agus-usar ti iligal a droga, banag a pinaglibakan met ti Presidente.
