LA UNION – Iti tengnga ti agtultuloy a tension ken giyera idiay Middle East, agtultuloy met iti mapadpadasan a panagngato ti presio dagiti produkto a petrolyo iti naduma-duma a paset ti lubong. Gapu ti daytoy, mas agbalbalin a naintiempuan iti panagbirok dagiti alternatibo a wagas ti transportasion a saan nga agkasapulan ti gasolina.
Maysa kadagiti maibilang a praktikal nga opsion ita ket iti panagusar ti electric bicycle wenno e-bike, nga am-ammo kas environmental-friendly gapu ta awanan ti iruruar nga asok ken saan met kasapulan ti petrolyo.
Segun kenni Jovannie Estelong, staff ti Yadea, naggapu iti brand idiay China ngem addaan metten daytoy ti pabrika iti nadumaduma a paset ti lubong tapno masumbatan iti dumakdakkel a demand ti e-bikes.
Maysa kadagiti kalakaan a modelo ti Yadea ket ti Pedal Assist nga agbalor ti ₱24,500, a dandani kapada laeng ti kadawyan a bisikleta ngem addaan ti electric support.
Top-of-the-line model met ti Epoc nga agbalor ti ₱74,500 nga addaan ti napigpigsa a motor power ken kabaelanna a bumiyahe ti adayo a distansia kas idiay Baguio City depende ti panagusar.
Agbayag ti nasurok-kumurang innem agingga walo nga oras iti charging time ti e-bike, ngem depende latta daytoy iti distansia wenno kilometro a pagbiahean ti agus-usar.
Palagip met ni Estelong kadagiti gumatang nga agbalin a nasirib ken wais iti panaggatang, kangrunaan ita nga agtultuloy iti panagngato ti presio ti gasolina.
Masarakan iti Yadea idiay Barangay Catbangen, kaabay ti Yloca Fashion Botique ditoy Siudad ti San Fernando, La Union.
Praktikal ken natalged nga usaren iti e-bike iti agdama a panawen, agsipudta saan a kasapulan ti petrolyo ken makatulong pay a makissayan ti polusion iti aglawlaw.###
(Report by Bombo Jordan)
