BR LA UNION – Nagpanawagan ni Pope Leo XIV ti talna kabayatan ti mensahena iti Easter Sunday.
Inallokoy na dagiti lider ti lubong nga isardengen iti gubat ken tallikudan ti anyaman a tarigagay iti bileg ken dominasyon.
Iti Easter message na nga “Urbi et Orbi,” wenno “to the City and to the World” idiay St. Peter’s Square, impaganetget ti Santo Papa a ni Kristo ti modelo ti naan-anay a talna ken saan a kinaranggas.
Segun pay iti Sto Papa, kaiyarigan a masan-sanayen dagiti tattao iti kinaranggas, isunga napateg a pilyen ti kinakapya imbes a gubat.
Inallokoy na pay dagiti pagilian nga addaan iti armas nga isardengdan ti pannakidangadang ken agtultuloy ti panagsasarita wenno dayalogo.
Nupay awan ti dinakamat na nga espesipiko a gubat, naka-kadkadlaw a naka-direkta ti panawagan iti Urbi et Orbi iti ababa ngem nabagas a mensahe.
Inlawlawagna a ti panagungar ni Cristo ket pammaneknek ti talna ken namnama, nga isu koma ti mangiwanwan iti sangkatauan.
