BR LA UNION – Naital-o kas national shrine ti status dagiti tallo a Simbaan Katolika ditoy pagilian.
Kabilang iti Archdiocesan Shrine of Mary, Queen of Peace wenno nalatak nga EDSA Shrine; Archdiocesan Shrine of Our Lady of Loreto; ken Diocesan Shrine of Our Lady of Aranzazu.
Naipangato ti level dagiti nasao a simbaan kalpasan iti 129th plenary assembly ti Catholic Bishop’s Conference of the Philippines a dinar-ayan iti nasurok 70 nga obispo idiay Sta. Rosa, Laugna.
Iti EDSA Shrine ken Archdiocesan Shrine of Our Lady of Loreto ket adda iti sidong ti Archdiocese of Manila bayat a ti Diocesan Shrine of Our Lady of Aranzazu ket adda iti sidong ti Diocese of Antipolo.
Naipasdek ti EDSA Shrine idi 1989 kas panang-lagip iti people power revolution idi Pebrero 25, 1986.
Daytoy met laeng iti lugar a nakaisaangkatan iti 2001 rally a nagresulta iti pannakapatakyas kenni sigud a President Joseph Estrada.
Iti Loreto Church idiay Sampaloc District iti pakasarakan iti centuries-old nga imahe ti Virgin Mary kas Our Lady of Loreto.
Bayat a ti Parish of Nuestra Señora de Aranzazu (Diocese of Antipolo) wenno Aranzazu Shrine idiay San Mateo, Rizal ket nabaknang met ti pakasaritaanna idi 1596 gaputa sadiay nga immuna a nagnaed dagiti Augustinian friars.
Segun pay ti CBPCP, iti panangideklara ti national shrine iti maysa a simbaan ket maibilang a sagrado a lugar a bigbigen ti Simbaan Katolika gapu iti pakasaritaan, spiritual, cultural significance, addaan ti sikat a debosyon, napapateg a religious events, miracles wenno apparitions.
