Doble kayod ita ti Egypt ken Qatar tapno maisalakan ti ceasefire deal ken maliklikan ti panagsubli ti tensyon ken gyera ti baetan ti Hamas ken Israel.
Mangbirbirok dagiti mediators ti solusyon tapno masiguro a balanse ti implementasyon iti katulagan.
Agtultuloy met ti araramiden da a high level communications tapno pabiagen ti ceasefire.
Maipalagip a nagdesisyon ti Hamas nga italna ti panangipalubos kadagiti kautibo da kalpasana iti mapagduaduaan a panaglabsing ti Israel iti katulagan a naipatungpal idi Enero.
Kabayatanna, nagpangta met ni Israeli Prime Minister Benjamin Netanyahu a mangisayangkat da iti nainget a panaglusob sadiay Gaza nu saan a mawaya-wayaan dagiti amin a kautibo nga umili da.
