Agtalek ni DEPDEV Secretary Arsenio Balisacan, a rumang-ay ti ekonomiya ti Pilipinas iti 5–6% ita a tawen 2026 ken kadagiti sumaganad pay a dua a tawen.
Kinuna ni Balisacan a kangrunaan a makaguyguyod ti panagrang-ay ket ti konsumo a suportado ti employment ken remittances bayat a nagpanuray met ti supply side ti sektor ti serbisyo.
Manamnama a makabawi ti consumer confidence kalpasan a bimmuntog iti panaggastar iti maikatlo a paset ti tawen.
Agtaltalinaed latta met a nababa ti implasyon iti 1.7%, interest rates, ken napinpintas pay ngem iti patta-patta iti kasasaad ti international trading.
Gapo kadaitoy ket manamnama pay nga agbalin a natibker ti panagrang-ay ti ekonomiya, nangruna iti maikadua a paset ti tawen.
