LA UNION – Boluntaryo nga insuko ti maysa nga empleyado ti munisipiyo iti maysa a kalibre ti paltog iti Bauang Police Station.
Nabigbig daytoy a ni Peter Tejada, 49, addaan asawa, empleyado iti munisipiyo ti Bauang, ken residente ti Barangay Central West, Bauang, La Union.
Naamwan a nagpason iti rehistrasyon ti nasao a paltog, isunga temporaryo nga impasidong na pay laeng iti custodiya ti pulisiya.
Kabayatanna, inapreciar met ni PChief Inspector Danilo Ligayo, officer-in-charge iti Bauang PNP, iti inaramid ni Tejada, a segun kenkuana, maysa daytoy nga ehemplo a rumbeng a tuladan dagiti dadduma nga agik-ikot ti paltog a kolorum wenno saan pay a naka-renew iti lisensiya.
