Sinungbatan ti Acting Appropriations Panel Chairman ken Marikina Representative a ni Stella Luz Quimbo ti pannakabagi ti siudad ti Davao a ni Isidro Ungab no ayan itan dagiti enrolled bills ti 2025 national budget.
Iti maysa nga interbiu ket kinuna ni Quimbo a silulukat iti publiko ti panangrepaso iti kopia dagiti enrolled bills sadiay Legislative Archives ti House of Representatives.
Dinamag ni Ungab no sadino ti pakasarakan dagiti kopia ti enrolled bills kadagiti numero iti Bicameral Conference Committee Report a mababalaw gapu iti sumagmamano a blank items.
Kinuna ni Quimbo a no ti enrolled bill ket madakamat ti bicam report, sigurado sigurado isuna nga awan ti napukaw a blangko.
Inyunay-unay manen na nga amin a kantidad ket immanamong ti BICAM ken isu met laeng a gatad iti enrolled bill nga inlinteg dagiti technical staff kas maitunos iti allowance ti dua a probision ti omnibus.
Segun iti mamanday linteg, raraemenna ti tunggal maysa nga agsaludsod maipapan iti 2025 General Appropriations Act.
