BR LA UNION – Inyanunsyo ti Commission on Elections (Comelec) a mangrugi inton Marso 10 iti pre-voting enrollment para kadagiti overseas Filipino nga agusar ti internet voting inton May 12 midterm elections.
Segun iti Comelec, kasapolan nga agparehistro iti Overseas Voting and Counting System (OVCS) dagiti botante nga adda iti Philippine Posts nga agus-usar ti internet voting.
Iti enrollment ket agpaut agingga Mayo 7, 2025.
Mabalakadan dagiti botante nga agusar iti bukod da nga internet-capable device para iti panagparehistro ken amwen iti iskedyul ti mobile pre-voting enrollment iti Philippine Post.
Maaddaan pay ti voting kiosk iti Philippine Posts iti panawen ti overseas voting.
Nu agballaygi ti enrollment, mabalinen ti agbotos online iti botante manipud Abril 13 agingga Mayo 12, 7 p.m.
