Nangipaulog itatta ti executive order ti lokal a gobyerno babaen kenni mayor atty bellarmin flores II iti ili a rosario la union maipanggep ti pannakaiparikep dagiti amin nga establishimento idiay ili iti rosario la union gapu iti obserbasyon iti holy week.
Lalaunen iti executive order no. 36 series of 2020 ti pammilin iti lokal a gobyerno a maiserra kuma dagiti amin nga establishimento nga agopoperate idiay ili iti rosario lu intono maundy thursday april 9 ken good friday april 10 malaksid kadagiti hospital, emergency facilities, pharmacies ken gas stations.
Karaman kadagiti pammilin na a maiserra ket ti merkado, supermarket, groceries, stores, karaman pay ti sari sari malaksid kadagiti nadakamat a saan nga agsarado
Tarigagay iti lokal a gobyerno a maobserbaran ti holy week ken maipaayan dagiti empleyado ti inana ken kasta metten ti panagmeditate da itatta a holy week
Agsubli ti operasyon dagitoy inton aldaw iti sabado april 11.
Dagiti brgy pass a naipaulog para iti aldaw iti hwebes wenno dagiti maaramat iti huwebes ket mapalubusan inton bigat kasta met dagiti brgy pass nga ti schedule ket biyernes ket mapalubusan iti aldaw iti miyerkules
Kabayatanna, idiay ili iti pugo la union, gapu iti pannakailista iti positibo iti covid 19 sadiay ket nagirwar metten ti pammilin ti lokal a gobyerno iti ili a pugo la union ti temporaryo a saan a panangpalubos kadagiti residente manipud iti tuba benguet, lloren ken linapew tubao nga apan agpalengke a saan da pay laeng a mapalubusan nga umuneg gapu ti pannakaipasidong iti total lockdown idiay brgy poblacion east ken west
Awan pay ti impormasyon no tono a maikkat daytoy nga abiso inggana nga agstabilized ti sitwasyon
