Pinasingkedan ti Malakanyang a naglosolosen ti puesto na ni Energy Regulatory Commission Chairperson Monalisa Dimalanta.
Segun kenni Palace Press Officer Undersecretary Claire Castro, nangipila ti irrevocable resignation na ni Dimalanta, nupay awan metten iti kanayunan pay a detalyer mainaig iti daitoy.
Kinuna met ni Communication Secretary Dave Gomez nga awan ti aniaman a nakadanon kenkuana nga impormasyon mainaig ti resignation ni Dimalanta ken nu inawat metlaeng wenno saan daitoy ni Presidente Ferdinand Marcos Junior.
Kabayatanna, nakatuding pay kuma nga agleppas ni Dimalanta inton tawen 2029.
