Mabalin a sumango iti kaso nga syndicated wenno large-scale estafa dagiti influencer/vloggers a saan latta a sarsardengan ti panangiendorso kadagiti illegal online gambling.
Daitoy ti impakdaar ti Cybercrime Investigation and Coordinating Center (CICC) kasaruno ti ultimatum ti ahensiya kadagiti influencers nga italna dan iti panangendorso iti sugal idi pay napan a lawas.
Kinuna ni CICC deputy executive director Renato Paraiso nga arig na amin met nga influencers ket tinungpal iti apela da ngem adda latta dagiti sumagmamano a natatangken dagiti ulo da.
Idi Hulyo 15 a nangrugi ti ahensiya ti panangipatulod ti notice kadagit amin nga influencers a saan latta a sumursurot ken obligado dagitoy nga ilawlawag ti depensa da iti saan a panangtungpal iti pakdaar.
Segun iti opisyal, mabalin a dumanon ti agingga kagudwa a milyon ti linawas a biruk dagiti dadakkel nga influencers babaen laeng ti endorsements da iti illegal online gambling.
Gapo iti daitoy ket nakatuding nga i-tap ti ahensiya dagiti social media platfoms nga i-take down dan dagiti channels ti content creators nga agtuloy latta kadagiti madi nga aramid da.
