Naguummong dagiti estudyante ken aktibista iti panangidaulo ti College Editors Guild of the Philippines, kadwa dagiti pamilya dagiti biktima ken ti National Union of Journalists of the Philippines (NUJP) idiay Mendiola Maynila tapno rambakan ti maika-15 nga anibersaryo ti Maguindanao Massacre.
Ti maysa a joint statement, inwaragawag ti NUJP nga ti agtultuloy nga kaawan ti aksyon ti insidente ket mangpaneknek laeng a saan a nasayaat ti pannakaipatungpal wenno Sistema ti hustisya ditoy pagilian.
Impaganetget pay ti grupo nga arig na sumagmamano a tawenen a natantan ti kaso ti pannakatay ken dagiti missing cases ti journalists idi Nobyembre 23, 2009.
Kinuna da pay a daitoy ket panagdadael iti press freedom ti pagilian nu sadino dakkel a peggad iti sangsangwen dagiti journalists a kayat laeng ti agtrabaho nga awan ti marikrikna da a pangta ti seguridad ti biag.
Kabayatanna, iti naisayangkat a kilos protesta ket sumagmamano met a kakabagyan dagiti biktima ti nagsao ken nangitugkel ti kandila para kadagiti 58 a broadcasters a pimmusay iti brutal a krimen.
Napasamak ti massacre iti kangitingitan ti panangipila ti certificate of candidacy ni Maguindanao vice mayor Esmael Mangudadatu para iti kina-Gobernador ken kalaban na idi ti posisyon ni Andal Ampatuan Jr.
