Impaneknek ni Eumir Marcial iti pigsa ken laing na iti professional boxing kalpasan nga abaken na ni American boxer Bernard Joseph babaen ti technical knockout (TKO) sadiay MGM Grand Garden Arena.
Sakbay a nangrugi iti laban, ado iti agab-abang no mapagtalinaed ni Marcial iti nalinis a rekord, kagiddan ti panagbaddek daytoy iti naing-inget a karit iti catchweight division.
Iti maikadua a round pay laeng ket tinumban ni Marcial ni Joseph babaen iti maysa a right hook.
Saan pay a nakabawi ni Joseph idi pinatudwan isuna ti nadadagsen a danog ni Marcial iti maikatlo a round, gapuanan no apay ta impasardeng ti referee iti laban.
Daytoy iti maika-innem a nagsasaruno a panangabak ti Filipino boxer kabayatan iti professional career na ket uppat kadagitoy ket nagturpos ti knockout.
Ni Joseph nga addaan ti sigud a record nga 11 a panangabak, maysa nga abak, ken maysa a draw, ket saan a nakaporma iti napapartak a garaw ti Filipino boxer.
Mabigbigbig ni Marcial iti balligi na iti amateur boxing, pakairamanan iti panangabak na ti bronze medal iti Tokyo Olympics 2021 ket iti panakisalip na iti Paris Olympics idi 2024.
Tunggal laban ket imet na iti arapaap ti minilyon a Pilipino a makakita ti maysa a world champion.
Daytoy a balligi ket mangipapaay ti baro a namnama iti kampanya ni Marcial nga agbalin a maysa kadagiti mabigbigbig a nagan iti sidong ti boxing world.
Agtultuloy isuna nga maibilang kas inspirasyon kadagiti agtutubo nga atleta ditoy pagilian nga agtartarigagay ti international recognition.
Iti laban ni Marcial ket paset ti preliminary fights iti laban da Manny Pacquiao ken Mario Barrios.#
