LA UNION – Pinatawan ti contempt ti House Quad Committee ken naibalud idiay Batasan Pambansa ni sigud a Mexico, Pampanga Mayor Teddy Tumang, gapu iti maipagarop a panagulbod.
It panagdengngeg ti Quad Committee, sinalodsod ni Rep. Gerville Luistro ni Tumang nu am-ammo na iti Chinese nationals nga isuda Willie Ong ken Aedy Yang, nga incorporators ti Empire 999 Realty a mairam-raman iti ilegal a land ownership ken ilegal na droga.
Sungbat ni Tumang a saan na a personal nga am-ammo dagiti dua.
Ngem nagturong dagitoy iti munisipyo, ket sadiay na a naam-ammo dagiti dua gaputa gumatang da ti daga.
Nupay kasta, nasuron ni Rep. Joseph Paduano, ket nagballaag a mangiruar iti ebidensya wenno litrato,idi naimbitaran idiay China.
Nagmosyon ni Paduano nga i-contempt ni Tumang, ken inawaganna pay a bulok ti style ti sigud a mayor.
Ngem impaganetget Tumang a saan nga agul-ulbod ket pinadas na ti agpalawag.
Ngem iti udi ket inaprubaran ti Quad Committee iti mosyon.
Ni Tumang ket maidetine iti detention center ti Kamara agingga a malpas iti panagdengnged ti Quad Comm.
Naituloy ti panagsalodsod kenni Tumang, agingga nga imbaga na a saannan a masungbatan dagiti salodsod agsipudta saanen a nasayaat ti kondisyon na.
