Maikonkonsidera iti pannakaipila ti kaso a human trafficking kenni sigud a Negros Oriental Representative Jacinto “Jing” Paras gapo iti alegasyon a “honey trap” scheme a mapapati a target ket ni Executive Secretary Ralph Recto.
Segun kenni Department of the Interior and Local Government (DILG) Secretary Jonvic Remulla, sumagmamano pay nga opisyales ti gobierno iti nagbalin a target ti nasao a modus, pakairamanan ti kabsat na a ni Ombudsman Jesus Remulla ken ni Public Works Secretary Vince Dizon.
Agtaltalek ni Remulla a posible a ni Paras ti mastermind iti operasyon ken nangikonektar kenkuana iti panag-bugaw.
Nainget met a pinaglibakan daitoy ti abogado ni Paras a ni Attorney Mark Tolentino a nagpanawagan kenni Remulla a mangiruar iti natibker nga ebidensya.
