Na-indict ti nakabalud a sigud a presidente ti South Korea a ni Yoon Suk-yeol iti kabaoan na a kaso nga adda pakainaigan iti napaay a deklarasyon na ti martial law idi Disyembre napalabas a tawen.
Karaman iti kabaroan a kaso ni Yoon ket ti obstruction wenno pananglapped iti karbengan ti sabali babaen ti panang-abuso iti bileg wenno otoridad. Mainayon pay ket ti panangibilin na nga ikkaten dagiti records ken panangharang kadagiti mangiserserbi ti arrest warrants.
Sumangsango ti sigud a presidente kadagiti panagdengngeg ti kaso nga insurrection nga addaan ti pannusa a bitay wenno tungpal biag a pannakakulong kasta met ti panagsango kadagiti kanayunan pay a kaso manipud idi naidutok ti special prosecutor idi bulan ti Hunyo tapno mangiggem kenkuana.
Manipud met iti biang ni Yoon, nainget na a pinaglibakan amin nga akusasyon maibusor kenkuana bayat a natalna met iti defense team ti kampo na seknan dagiti baro a kaso.
Nakadetene ita ti na-impeach a siguda a South Korea president idiay Seoul Detention Center manipud umuna a paset ti Hulyo nga immuna metten a pinagkedkedan ti korte ti kiddaw ti kampo na a mapalubosan isuna.
