BR LA UNION – Insayangkat ti Commission on Elections idi kalman, Sabado iti final testing and sealing dagiti automated counting machines idiay Mindanao kas paset ti maudi a panagsagana para iti nakatuding a Bangsamoro Autonomous Region in Muslim Mindanao parliamentary elections.
Personal nga inimatangan ni Comelec Chairman George Garcia iti panang-padas ken panang-seal dagiti makina iti Cotabato City Institute idiay Cotabato City a maysa kadagiiti naituding a polling center.
Naisayangkat ti nasao a proseso tapno siguradwen a nasayaat ken siyento porsyento a nakasagana, agraman kinatalged, naannayas, ken napudno a panangipatungpal ti eleksiyon inton Setyembre 14.
Naka-standby met iti pulisya idiay Dalican Pilot Elementary School idiay Datu Odin Sinsuat, Maguindanao del Norte bayat ti pananguray dagiti usaren a makina.
Segun iti liderato ti Dalican Pilot Elementary School, usaren dagiti 16 a silid-pagadalan kas polling places ken tunggal kwarto ket makabilan ti saggaysa nga automated counting machine.
Kabayatanna, maipangato ti full alert status iti Philippine National Police iti intero a rehiyon ti BARMM tapno masiguro ti kinakapya ken seguridad iti umuna a parliamentary elections iti lugar.
