LA UNION – Sumangsango iti kaso a panaglabsing ti RA 9165 wenno Comprehensive Dangerous Drugs Act of 2002 ti maysa a fish vendor idiay Central East Bangar, La Union.
Nabigbig ti suspek a ni Buhani Nasawra, 44, addaan asawa, residente ti Barangay Baroro, idiay ili ti Bacnotan.
Nakumpiskar kenkuana ti maysa a plastic sachet ti shabu a nagatang kenkuana ken maysa pay a sachet ti shabua nakumpiskar manipud iti kustodiya ken P1,000 peso bill.
Segun kadagiti otordidad ti suspek ket maibilang a high value target ket top 10 iti provincial level.
Iti agdama ket kabalud ti suspek idiay Bangar Police Station.
