Impasa dagiti manmanday-linteg idiay Germany iti singasing linteg a panangnayon ti bilang dagiti soldado.
Kasaruno daytoy iti panawagan dagiti sumagmamano a pagilian idiay Europa tapno manayunan dagiti soldado ken tukadan iti tension a pinataud ti Russia.
Ti kontrobersial singasing-linteg ket pinaboran dagiti 323 a manmanday-linteg ken 272 dagiti kimmontra bayat a maysa iti nag-abstain.
Kayat a nayunan ti Germany dagiti soldado ken agbalin a 260,000 manipud iti agdama a bilang nga 180,000.
Malaksid pay ditoy iti kanayonan a 200,000 reservists inton tawen 2035.
Nakalanad iti bill iti pannakaingato ti sueldo dagiti recruit iti $3,000.
Iti baro a sistema, madamag dagiti agtawen ti 18 no interesadoda nga agserbi kas soldado, ken inton Hulio 2027, amin a 18-años a lallaki ket maipasidong kadagiti mandatory military examinations.#
