BR LA UNION – Timmestigo iti agent ti National Bureau of Investigation (NBI) iti bail hearing ni sigud a Senador Ramon Revilla Jr. idiay Sandiganbayan Third Division.
Inbutaktak na iti P92.8-milyon a “ghost” flood control project idiay Pandi, Bulacan, nga agdama a sentro ti graft ken malversation case kontra iti sigud a senador, ket naideklara a 95% a kumpleto kalpasan laeng ti 21 nga aldaw.
Ngem iti video inspection idi Setyembre 16, 2025, nadarat nga igid ti karayan laeng ti nakita.
Iti panagtestigo na, inbutaktak ni Atty. Ivan Bernard Samson ti NBI a ti “notice to proceed” ket nairuar idi Abril 8, 2025, ngem naideklara ti 95.17 porsyento a nalpasen iti proyekto idi Abril 29 ti kapada a tawen.
Ngem nu sumaen, mabalin nga umabot ti proyekto ti agingga 270 nga aldaw sakbay a makumpleto.
Kinumpirma pay ti NBI agent nga awan ti subpoena kontra kenni Revilla, usar ti testimonya ni sigud a Public Works undersecretary Roberto Bernardo kas ebidensya, agsipudta umanayen kunana para iti panagusig iti dagsen ti ebidensiya kontra kenni Revilla.
Pinaglibakan met ni Revilla babaen ti abogado na a ni Atty. Francesca Senga dagiti alegasyon, ken inawaganna daytoy a“hearsay” manipud iti “unbelievable and unreliable source.”
