Dumaon ti 845 nga indibidual iti tinaming ti Philippine Red Cross (PRC) iti maikapat nga aldaw ti Holy Week Operations 2026.
Iti daytoy a bilang, 789 iti nagpaisidong ti vital signs monitoring, idinto a 49 dagiti addaan ti minor cases kas iti abrasion, blister, panagkapsut ti bagi, pasa, panagulaw, panaglabbasit, LBM, pilay, panagbetteg, sugat, sakit ti tian, ken dadduma pay a babassit a pannakadangran.
Adda met ti nairekord a 4 major cases ti hypertension, ken 3 a pasiente ti masapul a maitaray iti ospital gapu ti multiple injuries, insidente ti pannakatnag, ken pannakapukaw ti puot.
No maipapan ti welfare assistance, innem nga indibidual dagiti natulongan — tallo babaen ti referral, ken tallo babaen ti wheelchair assistance.
Tapno maipaay iti kasapulan ti publiko, nangiwaras iti PRC ti 18 nga ambulansia, maysa a mobile clinic, 45 a first aid stations, 7 a welfare desks, 3 a foot patrols, ken nasurok a 2,000 nga staff ken boluntario iti nadumaduma a paset ti pagilian.
Saklawen ti operasion dagiti naituding a 57 a lugar, karaman dagiti aplaya (2), bus terminal (6), PRC chapters (12), simbaan (11), command posts (1), event place (1), gas station (2), highways (7), mall (3), bantay (2), eskuelaan (1), ken seaports (6).
Agtultuloy iti panangipaay ti PRC kadagiti serbisio pangsalun-at ken kinasalun-at kadagiti namati nga agbibiahe ita a Semana Santa, kas paset ti tinawen a panagkumitda iti kinatalged ken pagimbagan ti publiko.###
