Dumanonen iti 9,066 ti nailista a kaso ti Ebola ken 4,381 iti natay sadiay Democratic Republic of Congo, maibasar iti estadistika nga inruar ti gobierno idi Martes, Oktubre 13.
Segun iti Health Ministry ti nasao a pagilian, agtultuloy nga agwarwaras iti outbreak nga ingubuay ti Bundibugyo variant, nga ita ket makaapapektaren kadagiti 65 health zones iti pito a probinsya.
Posible pay a manayunan iti bilang dagiti kaso ken pimmusay agsipudta addaan da ti impeksiyon a saan pay a natakuatan dagiti otoridad.
Naartapan metten iti agdama nga outbreak iti immuna a 16 nga Ebola outbreak sadiay DRC, a nagresulta iti pakabuklan a bilang a 11,000 iti natay.
Kabayatanna, awan pay ti aprubado a bakuna wenno partikular nga agas para iti Bundibugyo variant.
Agtultuloy met daitoy nga ad-adalen dagiti eksperto tapnu makabukel ti bakuna a makatulong iti pananglapped ti panagwaras ti nasao a sakit.
