LA UNION – Saan a pinalabas ti maysa kameng iti gobyerno ti ag-donate iti dugo iti naisayangkat a ‘Dugong Bombo 2017’ idiay syudad ti San Fernando, La Union.
Iti pannakiuman ti Bombo Radyo kenni Cirillo Sabado, empleyado ti Sericulture Research and Development Institute (SRDI), kinunana a kanayon daytoy nga agdun-donate iti dara kada adda iti kapada nga aktibidad kas iti nadakamat a proyekto ti Bombo Radyo Philippiones.
Sigun kenni Sabado, agingga ita ket bigbigenna nga utang a naimbag a nakem kadagiti nangisagot iti dara para ti amana idi a nagsakit daytoy iti anemia.
Uray no natayen kinunana ti amana ket mangisagot daytoy iti bukod a dara tapno makatulong kadagiti agkasapulan.
