Natiliw ti maysa a government employee a maibilang kas High Value Individual idiay San Gabriel, La Union.
Nabigbig daytoy a ni Ronnel Palabay a.k.a Onel, 30 anyos, addan ti live-in partner, ken residente ti Sitio Salangsang, Brgy. Bumbuneg, San Gabriel, La Union.
Sakbay iti daytoy, dagiti personnel ti LUPPDEU nga isu ti led unit kadua ti San Gabriel Police Station, dadduma a unit ti kapulisan ken babaen iti koordinasyon iti PDEA Regional Office 1, naisayangkat ti Anti- Illegal Drug Operation ti Search Warrant a nagresultaan iti pannakaarestar ti suspect ken nakakumpiskaran iti (3) a heat sealed transparent plastic sachet ti maatap a shabu nga agdagsen iti 0.4 grams ken agbalor iti P2,720.00; (1) open transparent plastic sachet nga naglaon ti maatap a residue ti maipagarop a shabu.
Ti natiliw a suspek ken dagiti nakumpiskar kenkuana ket adda ita iti LUPPDEU para iti umiso a disposition.
Maisagsagana metten ti kaso a maidatag kontra iti suspek maipapan iti panaglabsing daytoy iti RA 9165 wenno Comprehensive Dangerous Drugs of 2002.
