Winaya-wayaanen ti Hamas ti tallo pay a kautibo nga Israelis ita nga aldaw ti Sabado, Pebrero 15.
Pasado alas-10 ti bigat, local time, winayawayaan ti Hamas dagiti tallo a kautibo nga Israelis manipud Khan Younis sadiay Gaza ken inturn-over da iti Red cross sakbay a naipaima adagiti Israeli army ti sabali pay a lokasyon ti Gaza.
Inturong met ti Israeli military dagitoy a kautibo paawid idiay Israel.
Karaman kadagiti nawayawayaan nga Israelis ket isuda Alexander Troufanov, Yair Horn ken Sagui Dekel-Chen.
Katupag ti tallo ti pannakawayawaya ti nasurok 360 Palestine prisoners a nakabalud idiay Israel.
Maipalagip nga immunan a nagpangta ti Hamas a saan da a palubosan dagiti kautibo nga Israelis kasaruno ti panaglabsing ti Israel iti ceasefire deal.
Nagpangta met ti Israel a nu saan a mapalubosan dagitoy ket itultuloy da iti panagraut iti Gaza agingga maparkmek iti Hamas.
