LA UNION – Dupudop iti social media ti pannakipagladingit iti pamilya ti maysa a high student a nagbekkel idiay Barangay San Joaquin Sur, ili ti Agoo, La Union.
Nabigbig ti biktima a ni Rosean Galera Dulce, 16, grade 11, ken agnanaed ti nasao a lugar.
Naammuan ti Bombo Radyo manipud Agoo Police Station, nakita iti naggannak ti biktima a nakabitin iti bagi daytoy idiay uneg ti kwartona.
Maipagarup a maysa kadagiti makagapu ti panagpakamatay ti estudyante ket iti parikotna ti uneg ti eskwelaan base iti mabasa a conversation iti messanger iti baetan ti gayyemna. (Abs Flores)
