LA UNION – Imbento laeng ti napasamak nga in-report ti maysa a mechandiser a daytoy ket nabiktima dagiti holdaper idiay Barangay Patac, ili ti Sto. Tomas, La Union idi rabii ti January 07, 2018.
Daytoy iti imaganetget ti pannakiuman ti Bombo Radyo La Union ni S/Supt. Rodelio Samson, Provincial Director ti La Union Police Provincial Office.
Kinuna pay ti opisyal nga inconsistent wenno saan nga agsusurot ti statement ti nadakamat a merchandiser a ni Mc Kelvin Parrocha a nagpabigbig a biktima dagiti holdaper.
Sigun kenni Samson, maikaniwas iti ibagbaga ti merchandiser iti resulta ti insayangkatda a re-enactment iti napasamak.
Agparparang kinunana, nga imposible nga adda iti nangdaan kenni Parrocha idiay paset ti Barangay Patac a nakapasamakan ti ibagbaga daytoy a panangholdap gapu ta adu a tattao iti aguummong sadiay.
Pinaneknekan met iti sumagmamano a residente ti nasao a lugarnga awan ti napasamak a krimen wenno panagtakawan sadiay iti oras a dakdakamaten ti merchandiser.
Innayon pay ti opisyal, mapagduduan ti istorya ni Parrocha gapu ta ti laeng ti P36,000 a kwarta ti innala dagiti suspek ken nabati ti cellphone daytoy iti uneg ti intarayda a kotse.
Mabalinda met a kaswan kinuna ni Samson ti merchandiser no umdasen dagiti nakalapda a pammaneknek gapu ta agparparang a panag-ayamanna dagiti pulis babaen ti imbento a scenario.
Adda metten iti benneg ti kasusyo iti negosyo ni Parrocha ti panangeddeng no mangidatag daytoy iti reklamo kontra kenkuana gapu iti panangallilaw.
Maipalagip, iti impulong ti merchandiser iti pulisya, kabayatan nga agmanmaneho daytoy iti kotse ken paawiden idiay balayda ket dinaanan ken binarsak iti tallo a lallaki babaen kadagiti itlog ti windshield ti nasao a lugan kasaruno ti panangholdap. (Absalom Flores)
