Balligi a naharang dagiti kameng ti Bureau of Immigration ti maysa a supplier ti ilegal a droga idiay Ninoy Aquino International Airport Terminal 1.
Iti suspek ket nabigbig a ni Chiang Yui Wai, 62-anyos, ken maysa nga Hong Kong national.
Naalerto dagiti otoridad, sumagmamano nga oras sakbay iti isasangpet na ditoy Pilipinas gapo iti Interpol alert babaen ti tulong iti Advanced Passenger Information System.
Ni Chiang ket maibilbilang a pangta ti seguridad gapo kadagiti koneksyon na ti international drug trafficking.
Kinuna ni BI Commissioner Joel Anthony Viado, dakkel iti naitulong ti naing-inget nga inter-agency ken international cooperation para ti madagdagos a pannakatiliw dagiti suspek a maibilbiilang kas security threat, sakbay da pay a makadanon ditoy Pilipinas.
Iti agdama ket nakaikabil payen ti nagan ni Chiang iti blacklist kasta met a dagos a napasubli isuna iti nagtaudan na a pagilian.
