BR LA UNION -Saanen a nasurpresa dagiti lider ti Kamara nga adu a Pilipino iti sumup-suporta iti impeachment kontra kenni Vice President Sara Duterte.
Maibasar iti survey, 41 percent kadagiti Pilipino ket suportado da iti pannakapa-takyas iti pwesto iti bise presidente, agsipudta adu iti ebidensiya seknan iti biddut a pannaka-usar ti pondo.
Daytoy iti nagbalin a reaksiyon da House Assistant Majority Leader ken Zambales 1st District Rep. Jay Khonghun ken Deputy Majority Leader at La Union 1st District Rep. Paolo Ortega V.
Segun iti dua a house leaders, ti nasao a survey ket mangipakpakita a saan a nagustuan dagiti Pilipino iti biddut a pananggastos iti P612.5 million confidential funds a naiturong iti Office of the Vice President (OVP) ken iti Department of Education (DepEd) idi ni VP Sara pay iti sekretaryo.
Kinuna ni Khonghun a tarigagay ti publiko nga adda agsungbat iti pannakagastos ti pondo ti ili.
Iti agdama, tallo nga impeachment cases ti naidatag idiay Kamara kontra kenni VP Sara ken maak-akusaran ti gross incompetence, betrayal of public trust ken deliberate misuse of public funds.
Iti biang ni Rep. Ortega, kinuna na a deserve dagiti Pilipino a maamwan ti kinapudno ken ti suporta iti impeachment ket panangipakita a kasapolan nga adda transparency ken hustisya.
