Mapagsasaritaan idiay Kamara ti dua a napapateg a gakat manipud kadagit Akbayan Representatives para iti nataltalged ken patas a komunidad.
Tarigagay ti Safe Spaces Act Amendments (HB 768) a papigsaen ti proteksyon kontra iti pannaka-abuso babaen iti nadagsen a dusa iti “grooming” wennu wenno pananggundaway iti panagtalek dagiti ubbing.
Nakapauneg iti HB 768 dagiti nainget nga addang a manglaban iti online sexual harassment, nangruna ti makadadael a pannakausar ti AI ken deepfake kontra kadagiti indibidual.
Pagsungbaten pay babaen iti daytoy a singasing dagiti institusion babaen ti nainget nga screening kadagiti personnels ti pagadalan ken panangdusa kadagiti mangikankano kadagiti reklamo.
Kabayatanna, nakatutok met ti SOGIESC Equality Bill (HB 765) iti pannakaiparit ti diskriminasion a maibasar iti sexual orientation, gender identity, gender expression, ken sex characteristics iti trabaho ken pagadalan.
Impaganetget ni Gabriela Women’s Party-list Representative Sarah Elago ti kinapateg ti panangipasa iti SOGIESC Equality Bill, ken kinunana a saan a rumbeng nga agtalinaed a pending iti Kongreso ti singasing bayat nga agtultuloy a mapaspasaran dagiti kameng ti LGBTQIA+ community ti diskriminasion ken kinaranggas.
Iti sidong ti singasing, addaan daytoy ti tarigagay a mangiparit ti diskriminasion iti nadumaduma a benneg, pakairamanan ti panggedan, edukasion, healthcare ken serbisio publiko, tapno masigurado ti agpapada a pannakatrato ken dignidad ti amin.
