BR LA UNION – Tinakderan ni La Union Rep. Paolo Ortega a saan a fishing expedition iti panangpa-subpoena ti House prosecution panel kadagiti financial ken tax records ni VP Sara Duterte.
Maisupadi daytoy iti alegasyon ti kampo ti depensa nga agsapsapol pay laeng ti ebidensiya iti House panel, babaen iti panagkiddaw da ti subpoena.
Impaganetget Ortega, a dagiti ebidensiya a rimwar iti napalabas a serye ti panagdengngeg ti House Justice Committee ket agserserbi a ‘patikim’ dagiti prosecutor.
Kinuna ti mammanday linteg nga addan iti trial proper ti kaso ni VP Sara isunga maiparbeng laeng a maipresenta aminen a mangbalbalkot iti financial records daytoy.
Innayon ni Ortega, a nu saan man a patgan ti korte ti nasao a kadawatan, nakasagana ti prosecution team nga ipresentar dagiti ‘available’ a financial records ni VP Sara iti impeachment trial.
