Mangnamnama iti House prosecution panel iti impeachment trial ni Bise Presidente Sara Duterte a palubosan ida ti Senate Impeachment Court a maipresentar a sibubukel ti ebidensiya tapno maawatan iti publiko iti kinadagsen dagiti akusasyon kontra kenkuana.
Segun iti miembro ti prosecution panel a ni Manila Representative Joel Chua, kayat da laeng a maikkan ti gundaway a naannayas a maipresentar dagiti ebidensiya.
Kinunana a napateg iti impeachment trial agsipud ta ditoy a nakadependir iti pagsungbatan ken nasken a maitandudo iti kinapudno.
Nakatuding a mangrugi iti impeachment trial iti Bise Presidente inton Hulyo 6.
