Sumangsango iti kaso a panaglabsing ti RA 9165 wenno Comprehensive Dangerous Drugs Act of 2002 ti maysa a High Value Target drug personality kalpasan nga maarestar iti insayangkat a buy bust operation iti nagtipon a puwersa ti Agoo PNP ken Philippine Drug Enforcement Agency (PDEA) Regional Office 1 idiay Agoo, La Union.
Nabigbig ti suspek a ni Aaron Dumo, 29, residente iti Barangay San Julian East ken karaman iti Sombrero Drug Group.
Naala manipud kenkuana ti maysa nga sachet ti shabu nga agbalor ti P3,500 pesos ken P3,500 a buy bust money.
Iti agdama, ket agtaltalinaed pay laeng iti pagbaludan ti suspek para iti naan-anay a disposisyon.
