Maisagsagana itan ti kaso a maidatag kontra iti maysa a High Value Target iti insayangkat nga Anti Drug Operation ti nagtipon a puwersa ti Bacnotan PNP ken Philippine Drug Enforcement Agency (PDEA) Region 1 idiay Barangay Sapilang, Bacnotan, La Union.
Nabigbig ti suspek a ni Ariel Valmonte, mannalon, drug surrederee, ken makunkuna a miembro iti Urangkaya Drug Group.
Naala manipud iti kallapaw ti suspek ti maysa nga kaha ti sigarilyo, maysa a plastic sachet no sadino nagkarga dagitoy ti maipagarop a marijuana nga agdagsen ti 30 grams, ken dua a armalite magazine nga awanan ti bala.
Iti agdama, nakabalod pay laeng iti Bacnotan Municipal Police Station ti suspek idinto a naglibakan na a kukuana dagiti naala kenkuana.
