Insingasing ti grupo nga Kontra Daya iti Commission on Elections (Comelec) a maaddaan koma iti ‘hybrid system’ option mainaig iti eleksion ti vote counting machine iti pagilian inton Mayo 12.
Inwaragawag ni Kontra Daya convenor Professor Danilo Arao a nasken daytoy agsipud ta awan ti sigurado no ti Korte Suprema ti mangsuporta iti Comelec iti pananggun-od iti serbisio ti Miru Systems nga agdama a kuestionaren dagiti sumagmamano nga election watchdogs.
Kinuna ni Arao a nasaysayaat no agsagana ti ahensia para iti midterm elections babaen laeng ti panangisurat iti nagan dagiti kandidato iti balota imbes nga agpannuray iti intero nga Miru Systems.
Nagramut ti opinion ti grupo iti saan a naikankano a nasurok innem a milion a balota a nayimprenta gapu iti bilin ti Korte Suprema mainaig kadagiti lima a personalidad a mairaman iti opisial a listaan dagiti kandidato para iti eleksion inton Mayo 12.
