LA UNION – Sumangsango iti kaso a panaglabsing ti RA 9165 wenno Comprehensive Dangerous Drugs Act ti maysa a ice cream vendor kalpasan ti naisayangkat a buy bust operation idiay Barangay Ilocanos Sur, ciudad ti San Fernando City, La Union .
Nabigbig iti suspek a ni Gino Parayno, 44, residente ti Barangay Catbangen ditoy ciudad.
Kabilang ti Provincial Intelligence Unit ken Philippine Drug Enforcement Agency (PDEA) Region 1 iti nangisayangkat ti operasyon no sadino naala manipud iti kustodiya ti suspek (1) sachet ti maipagarop a shabu, (18) plastic sachet ti maipagarop nga marijuana leaves, ken P1,000 peso bill a buy bust money.
Ti agdama, adda iti kustodiya ti kapulisan ti suspek para iti naan-anaya pannakaisango na iti korte.
