LA UNION – Arestado iti maysa a 31-anyos a baro iti joint operation ti PNP ken PDEA kontra iligal a droga iti Barangay Catbangen, SFC, La Union.
Iti makunkuna a newly identified drug pusher/user ket nabigbig iti nagan a Michael ‘Vincent Alcantara, residente ti Barangay Urbiztondo, San Juan, La Union.
Maipagarop a nakumpiskar kenkuana iti 3 a plastic sachet iti maipagarop a dried marijuana fruiting tops agraman iti P500 bill a nagserbi a buy bust money, ken maysa a homemade pistol nga addaan ti maysa a bala ti 12 gauge shotgun.
Iti suspek agraman iti nakumpiskar a droga ken paltog ket adda itan iti custodiya ti San Fernando City Police para iti umno a disposisyon.
Kabayatanna,makunkuna nga ub-ubing a kabsat met laeng ni Alcantara iti identified drug pusher/user a naaresto idi rabii ti Martes iti operasyon dagiti otoridad iti Zamora St. Barangay 2 ditoy syudad a ni Michael ‘Nat’ Alcantara .
