Pimmusay iti maysa a mangmangged iti US farm kasta met a ginasut iti naaestar kasaruno ti insayangkat a raid ti U.S. immigration agents iti maysa a cannabis nursery idiay Southern California.
Segun ti maysa a worker advocacy group, nabigbig ti biktima iti nagan a Jaime Alanis; natnag isuna manipud iti maika-30 a kadsaaran ti maysa a pasdek kabayatan iti operasyon.
Kinuna iti Department of Homeland Security (DHS) a dumanon ti agingga 200 dagiti tattao nga naarestar da gapo iti ilegal a panagtalinaed idiay Estados Unidos.
Karaman kadagiti naarestar ket dagiti 10 a menor de edad ken gapo iti dayta ket maimimbestigaran pay ti kompanya gapo iti mapapati a panaglabsing ti child labor laws.
Nangrugi iti gulo iti aldaw ti Huebes nu sadino ket makita dagiti ladawan ken videos a nangusar ti tear gas ken smoke canister dagiti federal agents, suot dagiti helmets ken facemasks da kontra kadagiti protestador.
Imbilin met ti maysa nga hukom ti Estados Unidos a temporario nga ipawil ti racial profiling kadagiti operasyon ti deportation ken panagharang ti access dagiti immigrants a mangala ti abogado kas sungbat ti agresibo a kampanya ti administrasyon ni Trump kontra kadagiti undocumented immigrants.
